Ditën e sotme, 10 tetor 2022, po zhvillohet në Kuvendin e Shqipërisë një konferencë në kuadër të 50-vjetorit të themelimit të Akademisë së Shkencave.
I pranishëm në këtë konferencë është edhe Kryegjyshi Botëror Bektashian, Shenjtëria e Tij, Haxhi Dede Edmond Brahimaj, i cili ka përcjell me këtë rast edhe një mesazh urimi.
Akademia e Shkencave e Shqipërisë që nga themelimi i saj më 10 tetor të vitit 1972 u kthye në një qendër elitare të zhvillimit të kërkimit shkencor, krahas veprimtarisë kërkimore universitare, duke e shtrirë veprimtarinë e saj në të gjitha fushat e dijes.
Festimet jubilare të 50-vjetorit të themelimit të Akademisë së Shkencave të Shqipërisë do të zgjasin tre ditë nga data 9 deri më 11 tetor 2022
Ditën e dielë më 9 tetor u bë pritja e delegacioneve akademike që erdhën nga rajoni e Europa.
Në orën 19.00 u mbajt një shfaqje baleti në Teatrin e Operës.
Sot, në ditën e dytë të kremtimit, 10 tetor 2022, veprimtaritë nisën që në orët e para të mëngjesit për të vazhduar si më poshtë:
Ora 9.00: – Ceremoni nderimi pranë busteve të dy akademikëve themelues Aleks Buda dhe Eqrem Çabej (vendosje buqetash me lule).
Ora 10.00: – Konferencë jubilare kushtuar 50-vjetorit të themelimit të Akademisë së Shkencave (në sallën plenare të Kuvendit të Shqipërisë):
- Fjala e mirëseardhjes nga znj. Lindita Nikolla, Kryetare e Kuvendit të Shqipërisë;
- Fjala e rastit nga akad. Skënder Gjinushi, Kryetar i Akademisë së Shkencave të Shqipërisë;
- Fjalë përshëndetëse nga akad. Mehmet Kraja, Kryetar i Akademisë së Shkencave dhe Arteve të Kosovës;
- Fjalë përshëndetëse nga znj. Evis Kushi, Ministre e Arsimit dhe Sportit;
- Fjalë përshëndetëse nga Presidenti i ALLEA-s akad. Antonio Loprieno;
- Fjala e Sh. T. Edi Rama, Kryeministër i Shqipërisë;
- Mbyllja e konferencës.
Ora 11.00 – Foto zyrtare e 50-vjetorit (para selisë së Kuvendit të Shqipërisë).
Ora 11.5 – Zbulimi i pllakës së nderimit kushtuar Asamblesë së parë të Akademisë së Shkencave (në sallën Aleks Buda).
Ora 11.10 – Shfaqja e dokumentarit 50 vjet Akademi e Shkencave e Shqipërisë (në sallën “Aleks Buda”).
Ora 17.00-Pritje e kryetarëve të delegacioneve akademike ardhur nga rajoni dhe Europa nga Sh. T. Bajram Begaj, President i Republikës së Shqipërisë (në mjediset e institucionit të Presidentit të Republikës së Shqipërisë).
Ora 19.00 -Pritje e koktej në hotel Plaza;
– Ceremoni e dhënies së diplomave të mirënjohjes dhe titujve të nderit personaliteteve të shquara në shkencë;
– Koncert festiv nga formacioni orkestral Academia “Albanica”;
– Koktej
Ditën e martë më 11 tetor 2022:
Përcjellja e delegacioneve.
