Ditën e martë, 28 mars 2023, Kryegjyshi Botëror Bektashian, Shenjtëria e Tij, Haxhi Dede Edmond Brahimaj, priti në një takim në Selinë e Shenjtë të Kryegjyshatës Botërore Bektashiane, Ambasadorin e Ukrainës në Shqipëri,Volodymyr Shkurov.
Objekt i kësaj vizite, ishin bisedat dhe diskutimet rreth situatës së Ukrainës dhe gatishmërinë e Kryegjyshatës Botërore Bektashiane për tu gjendur pranë, kombit mik të Ukrainës, në çdo rast nevoje.
Kryegjyshi deklaroi se dyert e Kryegjyshatës do të jenë përherë të hapura për miqtë tanë ukrainas duke e falënderuar diplomatin ukrainas për këtë vizitë dhe duke e njohur nga afër me zhvillimet dhe arritjet e Selisë së Shenjtë Bektashiane.
Në vazhdim, Ambasadori Volodymyr Shkuror, vizitoi muzeun bektashian, bibliotekën, galerinë e artit bektashian dhe mjediset e tjera të odeonit.
