Shoqata Ndërkombëtare e Policisë (IPA) i akordon Kryegjyshit Botëror Bektashian, Shenjtëria e Tij, Haxhi Dede Edmond Brahimaj titullin: “Nderi i IPA Section – Albania” me motivacionin: ‘Për mbështetjen e vazhdueshme të IPA- Section Albania dhe promovimin e vlerave të larta të miqësisë.
Ky titull u dorëzua nga Presidenti i kësaj shoqate për Shqipërinë z. Skënder Doda.
Shoqata Ndërkombëtare e Policisë (IPA) është një organizatë miqësie për anëtarët e forcës policore, qofshin të punësuar apo në pension, dhe pa dallime në gradë, pozicion, gjini, racë, gjuhë apo fe. Deri tani numëron rreth 372,000 anëtarë në afro 100 vende, nga të cilët 65 janë të lidhur me Seksionet Kombëtare dhe të përfaqësuar në 6 kontinente.
Motoja e IPA-së është ‘Servo per Amikeco’ – Shërbimi Përmes Miqësisë’
Synimet e IPA-së janë të krijojmë dhe forcojmë lidhjet e miqësisë midis anëtarëve të shërbimit policor, të promovojnë bashkëpunimin ndërkombëtar në fushat sociale, kulturore dhe profesionale, të inkurajojmë bashkëjetesën paqësore midis popujve dhe ruajtjen e paqes botërore, përmirësimi i imazhit publik të shërbimit policor dhe rritja e njohjes së IPA-së nga organet ndërkombëtare.
IPA është e përkushtuar ndaj parimeve të përcaktuara në Deklaratën Universale të të Drejtave të Njeriut, të miratuar nga Kombet e Bashkuara në 1948, dhe është në Status Konsultativ (Special) me Këshillin Ekonomik dhe Social të Kombeve të Bashkuara, dhe gjithashtu është në Konsultativ Statusi me Organizatën e Shteteve Amerikane dhe UNESCO-n.
Përgatiti: Xh. ÇULLHAJ
