Ditën e martë, 11 qershor 2024, në mjediset e stadiumit të futbollit “Roza Haxhiu” në Lushnje, u zhvillua aktiviteti futbollistik i rinisë bektashiane, kupa ‘Pasardhësi”. Ky aktivitet u zhvillua nga Kryegjyshata Botërore Bektashianë, nën përkujdesjen e Kryegjyshit Botëror Bektashian, Shenjtërisë së Tij, Haxhi Dede Baba Edmond Brahimaj, në bashkëpunim me SH.K.B.D, Lushnje, me drejtues z. Kujtim Baze.
Në këtë aktivitet morën pjesë ekipet rinore të futbollit të Lushnjes, Fierit dhe disa njësive vendore të këtij rajoni. Në bazë të programit, ekipet ishin ndarë në grupe, me sistem eliminimi, ku dy ekipet fitues, bënë ndeshjen finale për fitimin e kupës. Kupa u fitua nga Akademia e Futbollit e Bashkisë Lushnje.
Aktiviteti i kësaj dite kishte sjellë në stadium, personalitete të njohur të futbollit si dhe dashamirës të shumtë.
Kupa iu dorëzua nga Sekretari i Përgjithshëm i Kryegjyshatës Botërore Bektashiane, Nuri Çuni.
Aktiviteti u ndoq dhe u pasqyrua dhe në median televizive, e pranishme në stadiumin e qytetit të Lushnjes.
