Kryegjyshata Botërore Bektashiane nën kujdesin e veçantë të Kryegjyshit Botëror, Hirësia e tij, Dede Edmond Brahimaj njofton të gjitha teqetë, klerikët, besimtarët dhe dashamirsit bektashianë të kudondodhur në botë, se duke filluar nga data 25 maj 2020, ditëlindja e Naimit dhe 25 maj 2021, përvjetori i 175 të ditëlindjes së tij, do të quhet “Viti i Naimit”.
Me këtë rast do të organizohen veprimtari të ndryshme kushtuar këtij “Poeti-Shenjtor” në bashkëpunim me institucione të ndryshme shtetërore, fondacione, shoqata, shtëpi botuese etj.
Le të jetë ky vit, viti i homazheve për poetin e madh kombëtar Naim Frashëri.