Kryegjyshi Botëror i Bektashinjve, Shenjtëria e Tij, Haxhi Dede Baba Edmond Brahimaj, nëpërmjet një mesazhi, uron të gjithë besimtarët e krishterë, për festën e Krishtlindjeve, duke u uruar më shumë shëndet e lumturi në familjet e tyre.
Në këtë mesazh, ndër të tjera, Ai thekson: “… Si Kryegjysh Botëror i Bektashinjve, u bekoj dhe u uroj për Krishtlindjet, në këtë ditë të shënuar. Prosperitet, dashuri, paqe e harmoni paçi gjithmonë. Festimi i Krishtlindjeve, është një moment i mrekullueshëm i bashkëndarjes së dashurisë vëllazërore ndaj njeri-tjetrit, që sjell një klimë sa më të shëndetshme e ditë më të mira në të ardhmen.
Shpresa, besimi në Zot na dhëntë të gjithëve dashuri!
Lumturi paçi në familjet tuaja!
Për shumë vjet gëzuar!”