Për tju gjendur pranë në këto ditë festive të fundvitit, Kryegjyshata Botërore Bektashiane, Selia e Shenjtë, në kujdesin e veçantë të Kryegjyshit Botëror Bektashian, Shenjtëria e Tij, Haxhi Dede Edmond Brahimaj, edhe ditën e sotme, më 30 dhjetor 2022, ka shpërndarë pako me ndihma në ushqime, dhe dhurata të shumta:
– Shoqata ndërkombëtare “ Së bashku ne mundemi” , për fëmijët me aftësi të kufizuara, Durrës dhe
– Të moshuarve dhe njerëzve në nevojë.
Selia e Shenjtë Bektashiane ka qenë e do të jetë çdo çast pranë, me dashurinë vëllazërore e ndihma, në ushqime e materiale të nevojshme.
Duke kontribur sadopak, të gjithë së bashku, të bëjmë sa mundemi, sepse përtej vlerës materiale që mbajnë këto pako ndihmash, ajo që ka rëndësi është ndjenja e përkrahjes, e vëllazërimit, e të festimit dhe të gëzuarit së bashku.
Zoti na dhëntë shëndet, mbarësi e forcë, urime dhe një vit sa më të mbarë! – tha ndër të tjera Kryegjyshi Botëror, Shenjtëria e Tij, Haxhi Dede Edmond Brahimaj
