"Të nderuar besimtarë, në emër të Kryegjyshatës Botërore Bektashiane - Selia e Shenjtë, kam kënaqësinë dhe nderin t’ju uroj gëzuar muajin e begatë të Ramazanit."
Agjërim të lehtë, të shëndetshëm dhe të pranuar, mbarësi dhe begati në familjet tuaja dhe Zoti ju ndihmoftë për ta përmbushur atë më së miri!
Ky Muaj i madhërishëm, jo vetëm lartëson shpirtin dhe e pastron atë nga veset, por kthjellon mendjen e rikthen gëzimin. Ramazani është sfida që njeriu i bën vetes në raport me përmbushjen e përgjegjësive të tij para Zotit, por edhe para familjes, shoqërisë e kombit. Më shumë shpresë e besim, dashuri, paqe e kohezion social, vëllazëri, drejtësi e solidaritet, janë mesazhet që përcjellim këtë Muaj.
GËZUAR MUAJIN E SHENJTË TË RAMAZANIT!
KRYEGJYSHI BOTËROR BEKTASHIAN
SHENJTËRIA E TIJ
HAXHI DEDE EDMOND BRAHIMAJ